Хитой пойтахти Пекин ва бошқа кўплаб шаҳарларда 28 ноябрь, душанбага ўтар кечаси мамлакат расмийлари SARS-CoV-2 коронавирусига қарши курашга қаратилаётган шафқатсиз чекловчи чораларга қарши оммавий норозилик намойишлари давом этди.
Пекинда намойишчилар дипломатик квартал яқинидаги кўчаларга чиқди, уларнинг кўпчилиги мамлакатдаги цензурага қарши норозилик рамзи сифатида оқ қоғозларни ушлаб туришди, дея хабар беради dpa ахборот агентлиги. Одамлар: "Карантинни олиб ташланг" ва "Биз ПЦР тестларини хоҳламаймиз, биз эркинликни хоҳлаймиз" деб ҳайқиришди. Полиция жалб қилинган, ҳибсга олинганларнинг аниқ сони номаълум.
Хитойнинг бошқа шаҳарларида: Шанхай, Чэнду, Чунцин, Ухан ва Нанкинда ҳам норозилик юришлари бўлиб ўтди. Университетларда ҳам норозилик кучаймоқда, ижтимоий тармоқлар цензура томонидан тезда олиб ташланган видеоларга тўлиб кетди, деб ёзади dpa.
Булар Хитойда ўша йилнинг 4 июнида ҳарбийлар томонидан шафқацизларча бостирилган ва "Тянанмен қирғини" номи билан машҳур бўлган 1989-йилдаги демократик ҳаракатдан кейинги энг йирик норозилик намойишларидир", — дейилади агентлик хабарида.
BBC Шанхайда унинг махбури калтакланганини маълум қилди.
BBC мухбири Эд Лоуренс Шанхайдаги норозилик намойишларини ёритар экан, полиция томонидан ҳибсга олинган ва калтакланган, дея хабар беради корпорация. Унинг сўзларига кўра, журналист калтакланган. Бундан ташқари, Лоуренс қўлига кишан солинган ва қўйиб юборилгунга қадар бир неча соат ушлаб турилган, дея хабар беради BBC.
Расмий Пекин воқеа ҳақида ҳеч қандай изоҳ бермади, деб таъкидлади хизмат. Полиция журналистни оломон орасида коронавирус юқтирмаслик учун ҳибсга олганини айтди. "Биз буни ишончли тушунтириш деб ҳисобламаймиз", — дейилади BBC баёнотида.
Норозилик намойишлари Шинжондаги ёнғиндан кейин бошланди
Хитой ҳукумати коронавирусга нисбатан "тоқатсизлик" сиёсатини олиб бормоқда: шаҳарларда бутун маҳаллалар тўсиб қўйилган, касаллар билан алоқада бўлган одамлар мажбурий карантинга олинган, касаллар касалхоналарда изоляция қилинган, мамлакат чегаралари амалда ёпиқлигича қолмоқда. .
Намойишлар Хитойнинг Шинжон-Уйғур мухтор вилоятининг Урумчи шаҳридаги турар-жой биносида содир бўлган ёнғиндан кейин бошланган. 24 ноябрь оқшомида содир бўлган ёнғин оқибатида камида ўн киши ҳалок бўлган, яна тўққиз киши жароҳатланган. Гувоҳларнинг қайд этишича, одамлар қочиб қутула олмади, чунки блокировка туфайли хонадонларнинг эшиклари тўсиб қўйилган ва чеклов чоралари қутқарувчиларнинг ишига халақит берган. Хитой ҳукумати бу маълумотни рад этади.
