Хитой иқтисоди пандемия чекловларини олиб ташлаганидан кейин ўсиш прогнозларидан ошиб кетди

Йилнинг биринчи чорагида Хитой иқтисоди 4,5 фоизга ўсди - кутилганидан тезроқ, чунки мамлакат Covid-19 пандемияси билан боғлиқ қаттиқ чекловлардан чиқди. Бу ҳақида ББC ва Reuters хабар бермоқда.

Хитой Миллий статистика бюроси маълумотларига кўра, ялпи ички маҳсулот йилнинг дастлабки уч ойида йилига 4,5 фоизга ўсди. Бу натижа ўтган чоракдаги 2.9% ўсишдан яхшироқдир.

ЯИМнинг 4,5% ўсиши таҳлилчиларнинг 4,0% ўсиш прогнозларидан ҳам ошиб кетди ва ўтган йил давомида энг кучли ўсиш бўлди.

Ялпи ички маҳсулот уй харажатларининг кўпайиши ва декабр ойида коронавирусга қарши кураш чораларини бекор қилиш фонида ишлаб чиқариш фаоллигининг ошиши ҳисобига ўсди.

Март ойи маълумотлари шуни кўрсатдики, маиший истеъмолнинг асосий кўрсаткичи бўлиб хизмат қиладиган чакана савдо ўтган йилга нисбатан 10,6 фоизга ўсди.

Шу билан бирга, мамлакат фабрикаларида ишлаб чиқариш 3,9% га ошди - бу иқтисодчиларнинг прогнозларидан бироз камроқ.

Шу билан бирга, мамлакатнинг авиация саноати Хитойнинг чет элликлар учун очилиши билан ўсди. Март ойида 45 миллиондан ортиқ йўловчи ҳаво қатнови амалга оширилди, бу ўтган йилнинг шу даврига нисбатан деярли уч баравар кўп.

Пекин декабр ойида COVID бўйича чекловларни кескин бекор қилганидан ва технологик компанияларга қарши босимни енгиллаштиргандан сўнг, инвесторлар Хитойнинг иқтисодий тикланиш кучини аниқлаш учун биринчи чорак маълумотларини диққат билан кузатиб боришди.

Ўтган йили Хитойнинг ЯИМ ўсиши COVID билан боғлиқ чекловлар туфайли деярли ярим асрдаги энг ёмон кўрсаткичлардан бирига тушди.