Абул Йуср Муҳаммад ибн Муҳаммад ибн Ҳусайн ибн Абдулкарим ал-Баздавий, Мотуридия мазҳабининг атоқли уламоларидан. Ҳижрий 421 йилда туғилган. Кўплаб шогирдлар етиштирган, улар орасида Нажмиддин Насафий, Усмон Пойкандий, Аҳмад Бухорий каби таниқли олимлар бор. Имом Киндий каби файласуфлар фалсафасини ва мўътазилийлар ёзган китобларни ҳатто уйда сақлаш ҳам зарарли, деб билган. Усул ва фуруъга оид кўплаб китоб ёзган. Улардан «Усулуд-дин», «Ал-Мураттиб», «Ал-Воқеот», «Ал-Мабсут» кабилар машҳур. Ҳижрий 493 йилда вафот этган.
