БМТнинг босиб олинган Фаластин ҳудуди бўйича махсус докладчиси Европа Иттифоқини Исроил билан Ассоциация келишувини тўхтатиб қўйишдан бош тортганидан сўнг, Европа Иттифоқини «Исроил томонидан фаластинликлар геноцидини онгли равишда қўллаб-қувватлашда» айблади, дея хабар беради Middle East Monitor.
«Кўп йиллар олдин апартеид даврида Исроил билан Ассоциация келишувини тузиш орқали ўзини шарманда қилган Европа Иттифоқи энди уни тўхтатиб қўйишдан бош тортмоқда», — деб ёзди Франческа Албанезе X (собиқ Twitter) да.
«Бу Европа Иттифоқининг Исроил томонидан фаластинликлар геноцидини онгли равишда қўллаб-қувватлаётганининг сўнгги исботидир. Бу Европа Иттифоқи қадриятларига чек қўйиш билан таҳдид қилмоқда», деди у.
Франческа Албанезе Европа Иттифоқига аъзо давлатларни суд орқали чора кўришга чақирди ва шундай деди: «Умид қиламанки, сиз Европа Иттифоқи Судини (CJEU) ишга туширасиз. Аммо ҳозирча, илтимос, минтақавий келишувлар халқаро ҳуқуқ бўйича мажбуриятларингизни бекор қилмаслигини унутманг».
«Исроил билан муносабатларни узинг, савдодан, шу жумладан қурол савдосидан бошлаб. Тўғри танлов қилинг. Европа тарихимиз буни талаб қилади», — деб чақирди у.
Европа Иттифоқи ва «Исроил» ўртасидаги сиёсий ва иқтисодий муносабатларни тартибга солувчи Ассоциация келишуви «инсон ҳуқуқларини ҳурмат қилиш» ва «демократик принциплар»ни талаб қилувчи мажбурий бандни ўз ичига олади. Ушбу бандга риоя қилмаслик санкцияларга ёки келишувнинг тўхтатилишига олиб келади.
Бироқ, Европа Иттифоқи ўз келишуви талабини бажармаяпти ва Ғазодаги геноциднинг амалдаги шеригига айланди. Европа Иттифоқи томонидан намойиш этилаётган очиқдан-очиқ иккиюзламачилик ҳеч кимни ҳайратлантирмай қўйди. Фақатгина европалик арбобларнинг ўзларининг маърузалари ва бўш резолюциялари ва қарорларининг қандайдир аҳамияти бор деб ўйлашлари ғалати туюлади.
Европа Иттифоқи ташқи ишлар вазирлари яна бир бор «фуқаролар орасида қурбонлар сонининг ортиб бораётганини ва халқаро ҳамжамиятнинг жавобгарликка чақириқларини муҳокама қилиш» учун маъносиз йиғилишда учрашишди.
Бироқ, учрашув аввалгидек ҳеч нарса билан якунланди. Ўз навбатида, «Исроил» Ғазода қирғинни давом эттирмоқда, қирғин болалар ва чақалоқларнинг оммавий ўлдирилиши билан бирга кечмоқда. 2023 йил октябрь ойи охиридан бошлаб яҳудийлар 58 000 дан ортиқ фаластинликни ўлдирди, уларнинг 50 фоиздан ортиғи аёллар ва болалардир.
Ўтган йилнинг ноябрь ойида Халқаро жиноий суд Нетаньяху ва Йоав Галлантни Ғазо секторидаги ҳарбий жиноятлар ва инсониятга қарши жиноятлар учун ҳибсга олишга ордер берди. Бироқ, на Европа Иттифоқи мамлакатлари, на АҚШ жиноий суд қарорини бажармоқчи эмас.
Абу Муслим
(профессор, сиёсий таҳлилчи)
