Reuters хабарига кўра, Сурия Ташқи ишлар вазирлиги бу қарорни олқишлаган.

Хусусан, Сурия ташқи ишлар вазири Асад ал-Шибани Трампнинг Сурия давлатига нисбатан санкциялар дастурини тўхтатиши «узоқ кутилган тикланиш ва ривожланиш эшикларини очишини» билдирди.

У, шунингдек, Х ижтимоий тармоғида бу қадам иқтисодий тикланиш йўлидаги «тўсиқни олиб ташлаши» ва мамлакатни халқаро ҳамжамият учун очишини ёзди.

Маълумот ўрнида, май ойида Трамп ва Сурия президенти Аҳмад аш-Шараа Ар-Риёдда учрашув ўтказган эди, бу эса сиёсатда жиддий ўзгаришларга олиб келди.

АҚШ президенти кутилмаганда Американинг Сурияга қарши санкцияларини бекор қилишини эълон қилди, бу Вашингтонни ўз чораларини сезиларли даражада юмшатишга ундади.

Абу Муслим

(профессор, сиёсий таҳлилчи)