Шайбонийлардан кейин Мовароуннаҳрни 1601- 1757 йилларда идора қилган сулола номи. Улар Жўчихон наслидан бўлиб, ўн тўртинчи асрнинг 80-йилларидан бошлаб Астрахан (аслида Ҳожи Тархон) ва унинг атрофидаги ерлар ҳамда халқлар устидан ҳукмронлик қилишган. Аштархонийлар сулоласининг асосий ҳукмдорлари Боқи Муҳаммад, Вали Муҳаммад, Имомқули, Нодир Муҳаммад, Абдулазиз, Субҳонқули, Убайдуллохон Иккинчи, Абулфайзхон, Абдулмўмин, Убайдуллохон Учинчилар бўлишган.
