Ақроъ ибн Ҳабис ат-Тамимий (р.а.), аъробий саҳобалардан. Бани Тамим қабиласининг етмиш кишилик ҳайъати раисларидан бири эдилар. Макка фатҳидан сўнг Бани Тамим қабиласи билан Расулуллоҳ (с.а.в.) ҳузурларига келганлар. Жоҳилият даврида ҳам, Исломга кирганларида ҳам баобрў, саховатли киши бўлганлар. Бир неча ҳадис ривоят қилганлар. Умар ибн Хаттоб халифаликлари пайтида вафот этганлар.
