Луғатда «обод уй» маъносида. Маккадаги Каъба устида, еттинчи осмондаги Аллоҳнинг уйи Байтул Маъмур деб аталади. Уни Аллоҳ таолонинг амри билан Одам алайҳиссалом бино қилгани, Нуҳ пайғамбар замонларида рўй берган тўфон балосида Аллоҳ таолонинг фармони билан фаришталар осмонга олиб чиқиб кетишгани ҳақида ривоятлар бор. Унинг Обод уй деб аталишига сабаб, бу Уйни ҳар куни етмиш минг фаришта тавоф қилишидир.
