Луғатда «оқ тош» маъносини билдиради. Ҳозирги Ироқдаги йирик шаҳарлардан бири. Араблар Бобил (Месопотамия)ни фатҳ этишгач, Шатт ул-араб дарёси соҳилида милодий 637 йили барпо қилишган. Янги шаҳар бинолари асосан оқ рангли тошдан тикланган ва шаҳар номини шундан олган. Ўз даврида йирик савдо маркази бўлган, Басра кемасозлари ва денгизчилари хитойлик ва ҳиндлардан ҳам ўзиб кетишган. Бу ердан Ҳасан Басрий каби йирик алломалар етишиб чиққан.
