Абу Мансур Абдулқоҳир ибн Тоҳир, шофеъий мазҳабининг таниқли фақиҳларидан. Нишопурда таҳсил олган, кейин Исфароинга кўчиб бориб умрининг охиригача ўша ерда яшаган. Чуқур билимли, заковатли олим бўлган, мадрасаларда фиқҳ, усули фиқҳ, калом, наҳв, ал-жабр, жами ўн етти фандан сабоқ берган. Хуросонда Имом Қушайрий каби кўплаб шогирдлари бор эди. «Ал-фарқ байнул-фироқ», «Усул уд-дин», «Ал-Милал ван-ниҳал» каби асарлари машҳур. Суннийликни қаттиқ туриб ҳимоя қилган. Милодий 1037 йили вафот этган.
