Хожа Муҳаммад Бобойи Самосий, Бухоро Ромитанидаги Самос қишлоғида туғилган. Хожагон-Нақшбандия тариқатининг шайхларидан, бухоролик етти пирнинг бешинчиси, «Силсилаи шариф»да ўн тўртинчи халқанинг пири-муршиди. Хожа Али Ромитанийдан таҳсил олган, у зот вафотидан сўнг силсилаларини бошқарган. Саййид Амир Кулолга устозлик қилган. Баҳоуддин Нақшбандни маънавий фарзандликка олиб, унинг тарбиясини Амир Кулолга топширган. Милодий 1340 ёки 1354 йили вафот этган, ўз қишлоғига дафн қилинган.
