Луғатда «ажратувчи талоқ» деган маънода. Талоқ лафзи билан талоқ қилинганида боин талоқ (уч талоқ)ни ният қилиш ва киноя бўлган баъзи лафзлар билан қилинган талоқ «боин талоқ» дейилади. Боин талоқ икки хил бўлади: 1. Талоқ (ажралиш) бир ёки икки марта бўлса, байнунати суғро (кичик ажралиш)дир. Бунда аёл ризоси ва икки гувоҳ билан никоҳни янгилаш мумкин. 2. Берилган талоқ учта ёки учинчиси бўлса, бундай айрилиш байнунати кубро (катта ажралиш)дир. Бу боин талоқнинг ҳукмига кўра аёл эркакка ҳаром бўлади, биргаликдаги турмушлари тугайди.
