Абу Саҳл Бурайда ибн Ҳасийб ибн Абдуллоҳ ал-Асламий (р.а.), саҳобийлардан. Аслам ибн Ақсо қабиласининг шайхи. Расулуллоҳ (с.а.в.) Мадина ҳижратига кетаётганларида у киши ва қабилалари (саксон хонадон) Исломга кирган. Расули акрамнинг кўплаб ғазотларида қатнашганлар. Аввал Мадинада, сўнгра Басрада яшаганлар. Кейин Хуросонга кўчиб бориб, ҳадис илмидан сабоқ берганлар. Ҳижрий 63 (милодий 684) йили Марвда вафот этганлар.
