Луғатда «осмондаги буржлар» маъносини англатади, Қуръони каримнинг саксон бешинчи сураси номи, Маккада нозил бўлган, 22 оятдан иборат. У бошидан охиригача иймон-эътиқод мавзуини ёритувчи сура бўлиб, унда аввал узоқ ўтмишда мўминларни фақат Аллоҳ таолога иймон келтирганлари учун азоблаб ўлдирган бир тўда золим кимсалар ҳалокатга дучор қилинганлари ҳақида хабар берилади ва барча замонлардаги аҳли иймонни фитнага солиб, уларга зулм қиладиган кимсалар дўзах азобига гирифтор бўлишлари таъкидланади.
