Луғатда «анжир мевасига қасам» деган маъноси бор, Қуръони каримнинг тўқсон бешинчи сураси номи, Маккада нозил қилинган, 8 оятдан иборат. Унда Аллоҳ таоло яратган энг гўзал ва мукаммал хилқат инсон экани, лекин айрим кимсалар куфру исён ботқоғига ботиб, пастларнинг тубанига айланиб қолишлари, дунё ҳаётида иймон ва эзгу амаллар билан яшаб ўтган инсонлар эса туганмас ажр-мукофотларга эга бўлишлари ҳақида сўз боради.
