Абу Дасама Ваҳший ибн Ҳарб ал-Ҳабаший (р.а.), саҳобийлардан. Қурайш зодагонларидан Жубайрнинг қули бўлганлар. Абу Суфённинг хотини Ҳинд мусулмонлардан ўч олиш мақсадида Ваҳшийни озод қилиш эвазига Расулуллоҳнинг (с.а.в.) суюкли амакилари амир Ҳамзани ўлдиришни топширди. Ана шу мудҳиш қотилликдан кейин Исломга кирдилар ва гуноҳларига тавба қилдилар. Расули акрам вафотларидан кейин муртад Мусайламатул Каззобни ўлдириб, Исломнинг энг катта душманларидан бирини йўқ қилдилар.
