Нопок-ифлос нарсаларни ейишга одатланиб, уларни кўп еганидан танаси ҳам, сути ҳам сасиб кетган уй ҳайвонлари уламолар истилоҳида «жалола» деб аталади. Жалоланинг гўштини ейиш, сутини ичиш, ўзини ейиш ҳадисга кўра ҳаромдир. Аммо уларни боғлаб, тоза-пок озуқа бериб парваришлаб, ифлослиги кетказилса, ҳалолга айланади, шунда гўштини ейиш, сутини ичиш ва ўзини миниш мумкин бўлади.
