Макка яқинидаги жой номи. Аллоҳнинг: «Ўзи тўқиган нарсасини пишиқ-пухта бўлганидан сўнг парча-парча қилиб бузиб-чуватиб ташлаган хотинга ўхшаб қолмангиз» (Наҳл, 92), деган сўзида келтирилган аҳмоқ хотиннинг номига қўйилган, чунки у ўша маконда яшаган. Бугунги кунда у Сараф водийси бошланишида, Масжидул-ҳарамнинг шарқий шимолий томонида бўлиб, 24 км.дан кейин келади. У билан Макка орасини Маъбад йўли боғлаб туради. У ернинг сувининг ширинлиги зарбулмасал қилинади. Жиъронада бир масжид бўлиб, Макка аҳли унга боришади.
