Мусулмонлар жамланиб, жамоат бўлиб жума, ийд намозларини ўқийдиган масжидлар «жомеъ» деб аталади. Аввалда жомеълар қошида мактаб, мадраса ва дорилфунунлар ҳам бўлгани учун буларнинг ҳаммаси умумий ном билан «жомеъа» деб айтилган (масалан, Қоҳирадаги Ал-Азҳар жомеъаси). Ўлкамизда биринчи жомеъ масжиди милодий 713 йили араб фотиҳи Қутайба ибн Муслим томонидан барпо қилинган. Ҳозирги пайтда мамлакатимизда икки мингга яқин жомеъ масжиди ишлаб турибди.
