Ислом келгунига қадар Арабистонда ва умуман дунёда кечган замон, давр шу ном билан аталган. Араб тилидаги «нодон бўлди» маъносини англатувчи «жаҳила» феълидан олинган. Баъзи олимлар Исо алайҳиссалом ва Муҳаммад алайҳиссалом оралиқларида пайғамбарсиз ўтган динсизлик даврини жоҳилият даври ҳисоблашади. Исломдан аввал ҳамма ерда нодонлик, илмсизлик, саводсизлик, жаҳолат, турли гуноҳ ва фаҳш ишлар тўлиб-тошган замон бўлган. Ислом ана шу жаҳолат устига қурилиб, инсонларни саодат ва ҳидоят ёруғлигига олиб чиқди.
