Қуръони каримнинг олтмиш иккинчи сураси номи, Мадинада нозил қилинган, 11 оятдан иборат. Сура Аллоҳ таолога тасбеҳ айтиб, У зотни барча айбу нуқсондан поклаш билан бошланади. Сўнгра сурада ўзларига ато этилган Таврот кўрсатмаларига амал қилмаган яҳудийларни устларига китоб ортилган эшакларга ташбеҳ қилиниб, уларнинг золим қавм эканлари таъкидланади. Унда жумъа намозининг аҳкомлари баён қилингани учун сура шундай номланган.
