Абу Абдурраҳмон Зайд ибн Холид Жуҳаний ал-Маданий (р.а.), саҳобийлардан. Мадинада истиқомат қилганлар. Ҳудайбия кунида Расулуллоҳ (с.а.в.) билан бирга иштирок этганлар. Макка фатҳ этилган куни қабилалари номидан байроқдорлик қилганлар. Расули акрамдан 81 та ҳадис ривоят қилганлар. Бу ҳадислардан баъзилари уч «Саҳиҳ» китобига киритилган. Ҳижрий 78 йили саксон беш ёшда Мадинада вафот этганлар.
