Луғатда «сирт, орқа ёки сиртни ўхшатиш» маъноларини билдиради. Эр ўз хотинининг баданини ёки бирор аъзосини онасининг бадани ёхуд аъзосига ўхшатиб ўзига ҳаром қилиб олиши «зиҳор» дейилади. Зиҳор Қуръон ва Суннатда собит бўлган. Зиҳор қилган эр хотини билан қовушиш учун эвазига каффарот (масалан, олтмиш мискинни тўйдириш) бериши лозим. Чунки унга хотини билан қўшилиш ҳаром бўлади. Каффарот бермай хотинига яқинлик қилса ёки шаҳват билан ўпса, гуноҳкор бўлади.
