Зоҳид Қодир 1951 йилда Жанубий Қозоғистоннинг Сайрам шаҳрида туғилган. 1975 йилда Бухородаги Мир Араб мадрасасини, 1979 йилда Тошкент Ислом институтини, 1982 йилда Ливиядаги «Ислом даъвати» университетини тамомлаган. 1983-1995 йилларда Тошкент Ислом институтида мударрис, мудир ноиби, мудир вазифаларида ишлаган. 1995-1996 йилларда Ўзбекистон Республикаси Дин ишлари бўйича қўмитаси халқаро бўлими мудири, 1996-2001 йилларда Саудия Арабистони-Ўзбекистон «Дор ус-салом» қўшма корхонаси бош директори, 2001 йилда бошлаб эса Қувайт давлатининг Ўзбекистондаги элчихонасида ишлаяпти. «Пайғамбарлар қиссаси», «Имоми Аъзам-Абу Ҳанифа» каби китоблари бор, «Пайғамбаримизнинг жуфти-ҳалоллари» китобини арабчадан ўзбек тилига ўгирган.