Ибн Асир Иззиддин Абул Ҳасан Али, машҳур муаррих, Милодий 1160 йили туғилган. Ироқнинг Мўвсул, Бағдод шаҳарларида таҳсил олган, илм талабида Шомга сафар қилган. Ўн икки жилдли «Ал-комил фит-тарих» асари машҳур бўлиб, Ислом даври, мўғуллар истилоси, Хуросон ва Мовароуннаҳр тарихи қамраб олинган. Уни шоир Огаҳий ўзбекчага ўгирган. Бундан ташқари олимнинг «Тарих ат-Табиқат ал-Мўвсул», «Усуд ул-ғоба фий маърифат аҳвол ус-саҳоба» каби асарлари ҳам бор. Унинг акаси Мажидуддин Муборак ибн Асир ва укаси Зиёвуддин ибн Асирлар ҳам ҳадис, фиқҳ ва тарихга доир асарлар ёзишган. Олим милодий 1232 йили вафот этган.
