Абу Муҳаммад Абдулҳақ ибн Ғолиб ибн Атийя ал-Андалусий ал-Мағрибий ал-Ғарнотий, ҳижрий 481 йили Ғарнотада туғилган. Андалусдаги Ал-Маррийя шаҳрида ҳақиқат ва адолат билан қозилик қилган. Отаси Абу Бакр Ғолиб ва бобоси ҳам улуғ фақиҳлардан бўлишган. Унинг энг катта ва машҳур китоби «Ал-муҳаррар ал-важиз фи тафсир ул-китаб ул-азиз» номли тафсирдир. Бундан ташқари қилган ривоятлари ва шайхларининг номлари тартибланган ҳадис китоби ҳам бор. Ҳижрий 546 йилда Лариқа шаҳрида фожиали ҳалок бўлган.
