Абу Яъқуб Исҳоқ ибн Иброҳим ат-Тамимий ал-Ханзалий ал-Марвазий, Ибн Роҳавайҳ куняси билан машҳур. Ҳижрий 161 ёки 166 йили туғилган, улуғ муҳаддис ва ҳофиз. Нишопурда яшаган улуғ алломалардан. Аҳмад ибн Ҳанбал унинг ҳақида: «Мен Ироқда Исҳоқ билан тенглаша оладиган бирор кишини билмайман», деган. Абу Заръа ар-Розий эса: «Исҳоқдан кўра кўп ҳадис билувчи йўқ», деб баҳо берган. Ҳижрий 238 йили вафот қилган.
