Ислом оламида ёзилган илк китоб Ибн Журайжнинг (ҳижрий 146 йили вафот этган) ҳадис ва осорлардан иборат китобидир. Маккадаги биринчи китоб Мужоҳид, Ато ва Ибн Аббоснинг шогирдлари тасниф этган «Ҳуруфут-тафсир» асаридир. Яманда битилган илк китоб эса Маъмар ибн Рашид Санъонийнинг Пайғамбаримиз суннатлари ҳақидаги рисоласидир. Шундан сўнг Мадинада ҳам биринчи китоблар дунёга келди. Улар Имом Моликнинг «Муватто» ва Суфёни Саврийнинг «Жомеъ»сидир.
