Жаҳондаги 36 та мусулмон давлатлари вакилларини бирлаштирган халқаро Ислом ташкилоти ана шу ном билан аталади. ИОК 1926 йили Макка (Саудия Арабистон)да ташкил этилган. Ташкилотнинг доимий қароргоҳи Покистоннинг Карочи шаҳрига жойлашган. Унга ҳар йили ҳаж мавсумида тўпланадиган Олий Кенгаш раҳбарлик қилади. ИОК бир неча илмий-тадқиқот марказларига ҳам эга. Ташкилотнинг «Мусулмон олами» журнали ва «Ислом овози» радиостансияси бор.
