Луғатда «хайр-яхшиликни талаб қилиш, танлаш» маъносини билдиради. Истилоҳда эса мусулмон киши икки ишдан қай бирини танлаш ёки бажаришни билолмай иккиланиб қолганида хайрлисини танлаш учун ўқийдиган намоз «истихора» дейилади. Истихора намози одатда таҳорат билан уйқуга ётиш олдидан ўқилади ва Аллоҳдан ишнинг хайрлиси сўраб дуо қилинади. Ҳар бир ишдан олдин истихора намози ўқиш мустаҳабдир.
