Абу Яъқуб Исҳоқ ибн Иброҳим аш-Шоший, машҳур фиқҳ ва тафсир олимларидан. Шош (Тошкент)да туғилган. Кейин Мисрга кетиб, ўша ерда истиқомат тутган. Миср вилоятларида қози ва амалдор бўлган, китоблар тасниф этган. Унинг «Китаб ул-усул» асари «Усули Шоший» номи билан Ислом оламида машҳур. Унинг ноёб нусхаси Ўзбекистон ФА Шарқшунослик институтида сақланмоқда. Милодий 937 йили Мисрда вафот қилган.
