Луғатда «тозалаш, холис қилиш» маъноларини билдиради. Шариатда эса Аллоҳга ибодатни, қулликни, эътиқодни худди У зотни кўриб тургандай адо этиш, ҳар қандай ишни эзгу ният билан амалга ошириш ва унга бошқа ғаразларни аралаштирмаслик «ихлос» дейилади. Аллоҳ Ўз динига ихлос билан итоат этишга буюрган. Ҳидоят йўлига тушган киши Аллоҳга фақат ихлос билан тоат-ибодатда бўлишга амр қилинган. Ихлоснинг акси риё бўлиб, бунда бир иш бировларга кўрсатиш ёки таъма учун қилинади.
