Луғатда «қайтариш» деган маъноси бор. Шаръий истилоҳда сотувчи ва олувчининг ўзаро савдоларини бекор қилиб, моллари ҳамда пулларини ўз ихтиёрлари билан бир-бирларига қайтариб беришлари «иқола» дейилади. Иқола савдода нафақат жоиз, балки савобли амалдир. Расулуллоҳдан (с.а.в.) шундай ҳадис бор: «Ким савдода ўз биродарига иқола (қайтариш) қилса, Аллоҳ таоло қиёмат кунида унинг хатоларини қайтариш қилади (яъни гуноҳларини кечиради)». (Абу Довуд ривояти).
