Абу Амр Абдулмалик ибн Умайр ал-Қураший ал-Куфий, таниқли муҳаддис олимлардан. Ҳижрий 6 йили туғилган. Саъид ибн Усмон ибн Аффон билан Самарқандга келган. Ўта фасоҳатли ҳадис олими бўлган. Болалигида Ҳазрати Али унинг бошини силаб, Аллоҳдан баракот тилаганлар. Жобир ибн Сумра, Муғийра ибн Шуъба, Абуд-Дардолардан ҳадис ривоят қилган. Ҳижрий 136 (милодий 752) йили бир юз ўттиз ёшида вафот этган, қабри Самарқандда.
