Луғатда «поғоналар, осмон қаватлари» деган маъноларни билдиради, Қуръони каримнинг етмишинчи сураси номи, Маккада нозил бўлган, 44 оятдан иборат. Сурада кофирлар иймон келтирмаётган Қиёмат кунида уларга бериладиган ҳақли жазодан ҳеч қандай тўлов билан қутулиб бўлмаслиги яна бир бор таъкидланади. Унда яна инсоннинг хафачиликни ҳам, хурсандчиликни ҳам кўтара олмайдиган ожиз вужуд экани уқтирилиб, фақат тақво ва эзгу амалгина инсонни бундай ожизликдан омон сақлай олиши мумкинлиги айтилади.
