Абул Фазл Муҳаммад ибн Муҳаммад ас-Суламий ал-Марвазий, ҳанафийликнинг машҳур имоми, фақиҳ ва муҳаддис. Бухоро қозиси бўлган, сомонийлар амири Нуҳ ибн Насрга фиқҳдан дарс берган, кейин бош вазир этиб тайинланган. Олтмиш минг ҳадисни ёд билган. Фиқҳга доир саккизта китоб ёзган, улар Абу Ҳанифа асарларидан кейин энг эътиборли саналади. Вақтини асосан ибодат ва илм билан ўтказганидан ҳарбийлар норози бўлиб, милодий 945 йили исён чоғида ўлдирилган.
