Луғатда «ҳаққа эга бўлиш, ўлганидан сўнг моли бошқага ўтди» каби маънолари бор. Шаръий истилоҳда эса марҳумнинг барча мол-мулки, ҳуқуқлари, илми, улуғлиги ва шарафи унинг тирик ворисларига ўтиши «мерос» дейилади. Мерос Қуръони карим ҳукми билан собит бўлган. Марҳум ва марҳумалар қолдирган меросни тақсим қилишдек мураккаб масалани Аллоҳ таоло инсонларнинг ўзларига ҳавола қилмай, оятлар орқали уни меросхўрларга Ўзи тақсимлаган (масалан, Нисо сурасининг 7-13-оятлари).
