Мирзо Абдулқодир Бедил милодий 1644 йили туғилган, файласуф шоир ва мутафаккир. Ота-боболари Кеш (Шаҳрисабз)дан келиб чиққан барлос уруғи туркларидан. Кўп йиллар Деҳлида яшаган. 120 минг мисра назмий ва кўпгина насрий асарлари бор. Унинг «Чор унсур», «Ирфон», «Нукот», «Комде ва Мудан» каби асарлари машҳур. Бедилнинг чуқур фалсафий асарлари Шарқда кенг тарқалган, ҳанузгача бедилхонлик анъанаси бор. У Абулмаъоний (Маънолар отаси) номини олган. Милодий 1721 йили вафот этган.
