Миқдом ибн Караба ибн Амр ибн Язид, кунялари Абу Кариймата ал-Кандий (р.а.), саҳобийлардан. Ёшлик пайтларида Ямандан Расулуллоҳ (с.а.в.) ҳузурларига келган саксон суворийдан иборат Канда элчилари орасида бўлганлар. Кейинчалик Шомда истиқоматда бўлдилар. Расули акрамдан 40 та ҳадис ривоят қилганлар, улардан бир нечаси Имом Бухорий «Саҳиҳ»ларига кирган. Ҳижрий 87 йили тўқсон бир ёшда Хумс шаҳрида вафот этганлар.
