Абу Саид Молик ибн Ҳубайра ибн Ҳодий ас-Сукуний ал-Киндий (р.а.), саҳобийлардан. Расулуллоҳ (с.а.в.) билан бирга бўлиб, у зотдан кўплаб ҳадислар ривоят қилганлар. Умавийлар асрида Кинда қабиласининг бошлиқларидан эдилар. Сиффийн жангида Муовия тарафида қатнашганлар, Муовияга байъат берилган куни хутба қилганлар. Ҳижратнинг 48 йилидаги денгиз ғазотида ва Миср фатҳида иштирок этганлар. Шу йили Муовия у кишини Ҳимс шаҳрига волий қилиб тайинлаган. Ҳижрий 65 йили, Марвон ибн Ҳакам даврида вафот этганлар.
