Мазкур Ислом ўрта махсус билим юрти наманганлик сармоядор ва илм ҳомийи Мулла Қирғиз охунд (1850-1922) қурдирган мадраса биносида 1991 йилда устоз Убайдуллоҳхон Лутфуллаев раҳбарлигида иш бошлаган. Наманганнинг атоқли уламоларидан Ҳошимжон қори Юсупов, Шамсуддин қори Охунов, Исҳоқ махдум Саттиев, Абдулҳай Турсунов, Яҳёхон ҳожи Тошхўжаев ва бошқалар устозлик қилишган. Уни ҳозиргача 230 киши битириб чиқди, ҳар йили юздан ортиқ талаба таҳсил оляпти. Мадраса талабаларидан бир неча киши халқаро қорилар танловларида муваффақиятли қатнашишган.