Луғатда «уриб қолувчилар» деган маънони билдиради, Қуръони каримнинг саксон учинчи сураси номи, Маккада нозил бўлган, 36 оятдан иборат. Сура  охират ҳисоб-китобидан қўрқмаганлари учун бировнинг ҳақидан ҳазар қилмай, уриб қолувчи кимсалар Аллоҳ таолонинг ғазабига дучор бўлишлари тўғрисида хабар берувчи оятлар билан бошлангани учун шундай номланган. Унда ҳаётларини фисқ-фужур билан ўтказадиган иймонсиз кимсалар топадиган даҳшатли оқибат + дўзах азоби ҳақида огоҳлантирувчи оятлар ҳам, бу фоний дунёдан Ҳақ йўлни маҳкам тутиб ўтадиган иймон аҳли учун тайёрлаб қўйилган абадий жаннат неъматлари зикр қилинган оятлар ҳам мвжуддир.