Муҳаммад Зоҳид Қўтқу ибн Иброҳим ал-Бурсавий, йигирманчи асрнинг атоқли фақиҳларидан, муҳаддис, таржимон. Милодий 1897 йили Туркиянинг Бурса шаҳрида туғилган. Чуқур билим олиб, замонасининг йирик олими, кароматлари зоҳир улуғ авлиёси бўлиб етишди. Нақшбандия тариқати силсиласида 39-муршиди комил бўлган. Унинг «Мўминларга ваъзлар» (икки жилдли), «Аҳли суннат вал жамоа ақоиди» (икки жилдли), «Ҳадислар билан насиҳатлар» (икки жилдли), «Тасаффувий ахлоқ» (беш жилд), «Ота-она ҳақлари», «Нафс тарбияси», «Жаннат йўллари» каби йигирмага яқин асарлари бор. Милодий 1980 йили вафот этган.