Расулуллоҳ (с.а.в.)нинг амр ва рухсатлари билан Макка фатҳидан олдин маълум муддатга Мадинага кўчиб борган, яъни ҳижрат қилган маккалик мусулмонлар «муҳожирлар» деб аталади. Илк муҳожир Абу Салама, энг охири ҳижрат қилган эса Пайғамбаримизнинг амакилари ҳазрат Аббос бўлди. Абу Суфён ва унинг ўғиллари каби Макка фатҳидан кейин Мадинага борганлар муҳожир саналмайди. Муҳожирларнинг фазилатлари Қуръони каримда зикр этилган. Улар фазилатда ансорийлардан устун туришади.
