Луғатда «ёмон ишлардан қайтариш» маъносини билдиради. Қуръони карим ҳукмига кўра, мусулмонлар амри маъруф (яхши ишларга буюриш) ва наҳйи мункар (ёмон ишлардан қайтариш) қилишга буюрилишган (Оли-Имрон, 104). Шунга биноан кишиларнинг ёмон, гуноҳ амалларни тарк этишлари ва бошқаларни ҳам бундан қайтаришлари динимизда фарз саналади. Бани Исроил мункар ишларни қилгани учун лаънатланган. «Мункар»нинг қуйидаги истилоҳий маънолари бор: динимиз ва ақл ёмон кўрган нарсалар, ҳар ким ёмон деб билган нарсалар, ёқтирилмайдиган ва қабул қилинмайдиган нарсалар.
