Луғатда «наба» + муҳим хабар бериш ва «нубу» + юқорилаш маъноларини билдиради. Истилоҳда Аллоҳ таолодан бўлган хабарнинг ваҳий йўли ила У зот Ўзи бандалари ичидан танлаб олган шахс + набийга, яъни пайғамбарга етиши «нубувват» дейилади. Набий Аллоҳдан муҳим хабар олган ва мартабаси юқори пайғамбардир. Аллоҳ хабар (ваҳий) берсаю аммо ўша хабарни бошқаларга етказишни амр қилмаса, ўша шахс набийдир. Расуллар қатори набийларга ҳам иймон келтириш вожибдир.
