Луғатда «Имрон хонадони» маъносини билдиради, Қуръони каримнинг учинчи сураси номи, Мадинада нозил қилинган, 200 оятдан иборат. Сурада Бадр, Уҳуд ғазотлари воқеалари, дин асосларидан ҳисобланган ақида ва шариат қонунлари, Аҳли китобдан бўлган насронийлар ҳақида батафсил сўз боради. Сурада Марямнинг отаси Имрон ва унинг аҳли-оиласи ҳақидаги қисса зикр қилингани учун у шундай аталган.
