Отақул Мавлонқулов, Ўзбекистоннинг таниқли дин арбобларидан. 1956-1964 йилларда Бухородаги Мир Араб мадрасасида таълим олгач, Ўрта Осиё ва Қозоғистон мусулмонлари диний бошқармасининг Тожикистон вакиллигида масъул котиб сифатида иш бошлаган. 1969-1974 йилларда Ливиядаги университетда ўқиган. Сўнгра беш йил «Совет Шарқи мусулмонлари» журналида масъул котиб, 1979-1991 йилларда диний идора халқаро бўлими мудири, 1993-1994 йилларда «Ислом нури» газетаси бош муҳаррири, 1994 йилдан умри охиригача Ўзбекистон мусулмонлари идораси халқаро бўлими мудири ва иш бошқарувчи лавозимларида ишлаган. Кўплаб мақола ва асарлари матбуотда чоп этилган.
