Пайғамбар алайҳиссаломнинг Исломни тарғиб қилувчи шоирлари Каъб ибн Молик, Абдуллоҳ ибн Равоҳа, Хассон ибн Собит (р.а.) эдилар. Шунингдек, хулафо рошидин Абу Бакр Сиддиқ, Умар ибн Хаттоб, Усмон ибн Аффон, Али ибн Абу Толиблар ҳам шеърлари билан Ислом даъватига катта ҳисса қўшишган. Ҳатто Саййид Мустафо Сиддиқий боболари Абу Бакр Сиддиқ шеърларини тўплаб девон ҳам тузганлар. Яна Каъб ибн Зубайр, Аббос ибн Мардос, Аббос ибн Абдулмутталиб ва ўғиллари Абдуллоҳ ибн Аббос ҳам шоир саҳобалардан саналишган.
