Луғатда «тошбўрон» деган маънода. Ислом шариатида зино қилганликда айбланган шахсларни тошбўрон қилиб қатл этиш «ражм» дейилади. Бу Қуръон ва Суннат билан собит бўлган. Ражм фақат шариат суди ҳукми билан, қози ёки унинг вакили назоратида амалга оширилади. Зинокорнинг ақли норасо экани аниқланса, ражм бекор қилинади. Агар зинокор аёл ҳомиладор бўлса баъзи мазҳабларда туққунича, бошқасига кўра эмизиш даври тугагунича кечиктирилади ёки қатл умуман бекор қилинади.
